«Հրապարակ» թերթը գրում է․ «Ցանկացած ցավ ժամանակի մեջ բթանում է, ցանկացած իրավիճակ՝ հանգուցալուծվում։ Գուցե բնակա՞ն է, որ սկզբում բունկերներում էին թաքնվում եւ արդարանում կատարվածի համար, հիմա արդեն մեղադրական տոնով ճառեր են ասում ոչ միայն նախկինների, այլեւ իրենց չգնահատող, իրենց վիճակի մեջ չմտնող, իրենցից ինչ-որ բան պահանջող անձանց հասցեին։ Տպավորություն է, թե երկիրն ու քաղաքացին բեռ են դարձել, խանգարում են կյանքը վայելելուն։
3 ամիս առաջ թվում էր՝ ահա, ահա հրաժարականի մասին կլսենք։ Հիմա իրավիճակ է փոխվել։ Ամեն օր ավելի ու ավելի վստահ են իրենց զգում, հայտարարություններ են տարածում, հարցազրույցներ տալիս, նշանակումներ անում։
Թիմը սկսել է տնից դուրս գալ, ոմանք անգամ շրջագայությունների են մեկնում։ Իսկ պատերազմի ու պարտության իրական մեղավորների մի մասն էլ, որոնք պետք է կոնկրետ պատասխանատվություն կրեին կատարվածի համար, մեղադրական ճառեր են ասում, քավության նոխազներ փնտրում, խրոխտ ճառեր հնչեցնում»։
Ամբողջությամբ կարող եք կարդալ թերթի այսօրվա համարում: