«Նրանք սպանում են մեր երազանքը, նրանք սպանում են որևէ հարմար ժամանակ մեր կորցրածը վերադարձնելու մեր պարտականությունը»,- այս մասին ԱԺ շենքի մոտ բողոքի ակցիայի ժամանակ ասաց ՀՅԴ երիտասարդական միության կենտրոնական վարչության անդամ Քրիստինե Վարդանյանը՝ անդրադառնալով Իմ քայլի» պատգամավոր Անուշ Բեղլոյանի միջազգային հարթակներում հնչեցրած մտքերին։
Վարդանյանը վստահեցրեց՝ իշխող ուժի մեջ կան հերթական պատգամավորներ, որոնք պաշտոնապես հայտարարում են, որ իմ քայլի պաշտոնական քաղաքականությունն է, որ Հադրութը, Շուշին հայկական չեն, նրանք պաշտոնապես հրաժարվում են այս տարածքներից։ Վարդանյանը հարցրեց՝ արդյո՞ք դրա համար են քաղաքացիները 2018-ին քվեարկել, հիշեցրեց, որ պատգամավորները հենց քաղաքացիների հարկերից են սնվում, անգամ այն վիճակում, երբ ամեն ինչ թանկանում է, իսկ քաղաքացիները չեն կարողանում անգամ կոմունալ վճարումներ կատարել։
«Իմ քայլի պատգամավորները փաստում են, որ սա մշակված, ծրագրված է, իրենք իրականացնում են այս դավաճանական ծրագիրը։ Մենք միայն կողմ ենք այդպիսի պատգամավորներին մանդատից զրկելուն, չնայած երկիրն ունի ավելի կարևոր խնդիրներ»,- ասաց Վարդանյանը։