Քննիչները հնարքների են դիմում` տուժած ոստիկաններին դատարանում ցուցմունքներ տալուց հետ սովորեցնելու համար: Այս մասին «Հայելուն» տված հարցազրույցում հայտարարել է ՀՀ երկրորդ նախագահ Ռոբերտ Քոչարյանի փաստաբան Հայկ Ալումյանը:
«Գործում կան բազմաթիվ խախտումներ: Այն բազմաթիվ միֆերից բաղկացած: Դրանցից մեկն այն է, որ հանրահավաքները խաղաղ էին, սակայն դրանք դաժանորեն ճնշվել են: Հիշեցնեմ, որ գործի շրջանակներում 32 քաղաքացի մեղադրյալ է, այդ մարդիկ առանց պաշտպանության միջոցների էին: Իսկ 187 ոստիկանները, նրանք պաշտպանական միջոցներով էին: Եվ մեզ ասում են, որ հանրահավաքները խաղաղ էին, իսկ ոստիկաններն անհամաչափ ուժ են կիրառել:
Սակայն 187 ոստիկանների մի մասին չեն ընդգրկել մեր գործով (Քոչարյանի եւ մյուսների` խմբ.) ցուցակի մեջ: Սա բացատրություն չունի: Իսկ նրանք, ում, այնուամենայնիվ, ընդգրկել են, դատարան չեն գալիս: Ես հաստատ մի քանի դեպք գիտեմ եւ ենթադրում եմ, որ մյուսների դեպքում էլ էր այդպես: Քննիչն ասում է, որ նրանք Քոչարյանի գործողություններից տուժածներն են: Տուժածն ասում է, որ ինքը ոչ թե իշխանությունների, այլ ցուցարարների գործողությունների զոհն է: Քննիչն ասում է` դե ուրեմն դատարան մի արի: Նրանք, ովքեր կարծում են, որ տուժել է ոչ թե իշխանությունների, այլ ցուցարարների գործողություններից, այսպես են ցույց տալիս իրենց վերաբերմունքը գործին, սակայն ավելի լավ կլիներ, եթե նրանք գային դատարան: Այսինքն` քննիչները հնարք են կիրառում: Կոպիտ խախտումներ կան նաեւ նրանց նկատմամբ, ով ցանկանում է մասնակցել դատական նիստերին»,- ասաց փաստաբանը: