Պատերազմի ժամանակ նույնիսկ թշնամի ազգից այսքան երեխա կոտորելու դեպքում խիղճդ կարող է մինչև կյանքի վերջը տանջել, ուր մնաց քո ազգի երեխաներին։ Քո համար ճանապարհ փակած երեխաներին կոտորես ու դրանից հետո շարունակես ապրել ու վարչապետ մնա՞լ։ Այս մասին այսօր մամուլի ասուլիսի ժամանակ ասաց ԵԿՄ նախկին անդամ Դավիթ Մկրտչյանը։
«Եթե այն ժամանակ ասում էի, որ միգուցե ինքը սխալվել է, դավաճան չի այլ ուղղակի սխալվել է, բայց հիմա արդեն ինքն այդքան ուղեղ ունի՝ հասկանալու, որ այս ամենն իր ուժերից վեր է։ Այս պահին ով Նիկոլին հեռացնի, նա դառնալու է մեր ազգի հերոսը, բայց այս պահին Նիկոլ Փաշինյանն ինքն էլ շանս ունի այդ հերոսը դառնալու։ Նա պետք է մեղքերի թողություն անի և մեզ ազատի իրենից։ Պետք է ներողություն խնդրի մեր հերոս նախագահներից, հրամանատարներից ու խոստովանի, որ սխալվեցին»,-նշեց Դավիթ Մկրտչյանը։
Վերջինս նկատեց՝ ժողովուրդը ոտքի չի կանգնում, և կա մի զանգված, որը դեռ հավատում է Նիկոլ Փաշինյանին․ «Մինչև այս ժողովրդին ոտքի հանենք, մեր պետությունը լրիվ կորցրած կլինենք։ Մեր հաղթանակները ինչպես նախկինում կերտել են անհատները, հիմա էլ պետք է կերտեն անհատները։
Աշխարհում ինչքան հայ կա, թե՛ մարզիկները, թե՛ գիտնականները, մտավորականները, թե՛ բիզնեսմենները պետք է միանան, մտնեն այս իշխանության մեջ ու պայթեցնեն ներսից։ Ավելի հեշտ է 20 պատգամավորի մեջ հայրենասիրություն արթնացնե՞ս, թե՞ մի քանի հարյուր հազար մարդու »,-նշեց ԵԿՄ նախկին անդամը։