Քիչ առաջ Նիկոլ Փաշինյանի շքեղ ավտոշարասյունը ժամանեց էկոնոմիկայի նախարարություն, որտեղ, ինչպես հայտնեցին ոստիկանները, պետական արարողակարգ պետք է տեղի ունենա:
Փաշինյանի այցից առաջ այստեղ իրավիճակը խիստ լարված էր, քանի որ հավաքվել էին մի խումբ քաղաքացիներ, ովքեր իրենց խաղաղ ակցիան էին ցանկանում անել: Սակայն ոստիկանները թույլ չտվեցին դա անել՝ հայտարարելով, թե անվտանգության խնդիր կա:
«Ես դավաճան Նիկոլին պետք է մի հատ տենամ, նոր էթամ»,-հայտարարեց քաղաքացիներից մեկը, ում բռնի ուժով բերման ենթարկեցին:
Մեկ այլ քաղաքացու ոստիկանները համոզում էին սեփական կամքով մտնել ավտոմեքենան՝ զգուշացնելով, որ հակառակ դեպքում պառկած են մտցնելու: Կարմիր բերետավորներին ամեն դեպքում հաջողվեց մինչև Փաշինյանի գալը «մաքրել» տարածքը: