Պատերազմի կապիտուլյացիոն համաձայնագրից հետո անցել է 3 ամիս և այդ ընթացքում կառավարությունը չի կարողացել ներկայացնել մի գործուն ծրագիր, թե հետպատերազմական շրջանում ինչ պետք է անի։ Այս մասին խորհրդարանում ասաց «Բարգավաճ Հայաստան» խմբակցության պատգամավոր Միքայել Մելքումյանը։
Պատգամավորը նշեց, որ 750 մլն դոլարի եվրոբոնդերի թողարկումը խոսում է այն մասին, որ կառավարությունը նույնիսկ թոշակներն ու աշխատավարձերը տալու գումարներ չուներ․ «Այս եվրոբոնդերի տեղաբաշխումը ենթադրում է համապատասխան թելադրանք արժույթի միջազգային հիմնադրամի կողմից հարկային քաղաքականությունը տանելու դեպի հարկերի բարձրացում։ Դրա վառ օրինակներից մեկը առողջապահության և կրթության համակարգում նախատեսվող հարկերի բարձրացումն է»,-ասաց Միքայել Մելքումյանը՝ նկատելով, որ եթե մի քիչ էլ այս ձևով առաջ շարժվենք, կորցնում ենք մեր պետականությունը։