Մարզերից եկած զինծառայողներն այժմ բողոքի ակցիա են իրականացնում ՀՀ պաշտպանության նախարարության շենքի դիմաց։
Նրանք Արցախում մասնակցել են պատերազմական գործողություններին, սակայն զինվորական գրքույկում այդ մասին տվյալներ չեն նշվել, ինչի պատճառով չեն կարողանում օգտվել տարբեր ծառայություններից։
«Կոտայքի մարզից ենք եկել զինվորական գրքույկների հարցով, որպեսզի գրանցվի, որ մասնակցել ենք պատերազմի։ Հոկտեմբերի 2-ին ջոկով զինակոչվել ենք բանակ։ Ի սկզբանե ուղարկել էին Հայկազովի զորամաս, որը պայթեցված էր, դրա համար տարան Խոջալու։ Այնուհետև պարբերաբար տեղափոխում էին մեզ Բալուջա, որից հետո տարան Մարտունի 3։ Պատերազմի ավարտից հետո՝ նոյեմբերի 13-ին գնացել ենք զինկոմիսարիատ, որտեղից հորդորեցին սպասել։ Մինչ օրս զինգրքույկ չունենք։ Դիմում ենք գրել նախարարությանը, դիմել ենք վայենկոմատ, զանգել ենք Մարտունի 3, Բալուջա, ասում են, որ մեր անունները չկան։ Ինչի՞ չկան մեր անուն-ազգանունները, որտե՞ղ են մեր զինգրքույկները»,-նշեց զինծառայողներից մեկը։
Զինծառայողներին ՊՆ-ից հորդորեցին դիմել կենտրոնական զինկոմիսարիատ․ «ՊՆ-ից ասացին, որ եթե մեր վայենկոմատը պատասխան չունի, չի կարողանում պարզաբանություն տալ, պետք է դիմենք կենտրոնական վայենկոմին»,-նշեց ակցիայի մասնակից զինծառայողը։