«Նիկոլի հրամանը կատարողը Նիկոլից բեթար է։ Դու՞ք ոստիկանության սպա եք, պատի՞վ ունեք, թե ինչ է։ Նիկո՞լ եք բոլորդ»,- այս մասին Նիկոլ Փաշինյանի հրաժարականի պահանջով ակցիայի ընթացքում հայտարարեց կանանցից մեկը՝ դիմելով քաղաքացիներին բերման ենթարկող ոստիկանության ծառայողներին։
«Ամոթ է, տղան հենց այնպես իր համար կանգնած է, դուք ձեռք եք կոտրում։ Ձեզ դրա համար գումար է հատկացրել, գումարին Նիկոլի նման ծախվածներ եք բոլորդ, ազգի դավաճանի հրաման եք կատարում բոլորդ»,- նշեց նա։
Նշենք, որ ոստիկանության և ԱԱԾ ներկայացուցիչները քաղաքացիներին բերման են ենթարկում ակցիայի մասնակիցներին։ Շուրջ մեկ տասնյակից ավելի քաղաքացի արդեն բերման է ենթարկվել։
Ակցիայի մասնակիցներից մեկն էլ նշեց, որ չի կարելի մարդկանց ազատազրկել, ոստիկաններն էլ են ժողովրդի ծոցից ծնվել, պետք է ժողովրդի կողքին լինեն։
Հիշեցնենք, որ Նիկոլ Փաշինյանի հրաժարականը պահանջող քաղաքացիները Կառավարության երրորդ մասնաշենքի մոտ դեռ չեն չէին էլ հավաքվել, երբ Հանրապետության Հրապարակի մետրոյին կից այգու ողջ երկայնքով աննախադեպ ոստիկանական ու ԱԱԾ ուժերով պատ է կանգնեցվել։ Հիշեցնենք, որ քաղաքացիները այստեղ իրականացնելու են անհնազանդության ակցիաներ։