Կոչ եմ անում հայ ժողովրդին ոտքի կանգնել՝ պաշտպանելու Հայոց բանակը։ Լրագրողների հետ զրույցի ժամանակ ասաց ՊՆ-ի մոտ հանրահավաքի մասնակից զինվորականներից մեկը։
«Եթե հայոց բանակը թուլանա, նշանակում է՝ հայ ժողովրդի վրա մի հատ գերեզմանաքար են դնում»,-ասաց զինվորականը։
Դիտարկմանը, որ ԳՇ-ի հայտարարությունը վարչապետը որակեց որպես ռազմական հեղաշրջման փորձ, զինվորականն ասաց, որ իշխանությունները նման բան են մոգոնում, որպեսզի թուլացնեն բանակը․ «Նման բան չկա, մենք պաշտպանում ենք Հայաստանի սահմանները, հայ ժողովրդի անվտանգությունը։ Եթե հայոց բանակը թուլանա, ոչ մեկն էլ ոչինչ չի կարող անել։ Բոլոր հայերը պետք է մտածեն հայոց բանակի հզորացման, ամրացման մասին։ Պետք է փոքրիկ երեխայի պես գուրգուրեն հայոց բանակը, ոչ թե պաշտոնը պահպանելու համար ցույց տան, որ իրենք խելոք են՝ թուլացնելով բանակը»,-նշեց զինվորականը։