Ընդդիմությունը և Զինված ուժերը պետք է հայտարարեն, որ Ազգային ժողովը, կառավարությունը այլևս չեն ներկայացնում Հայաստանի շահերը,- «Փաստինֆո»-ի եթերում հայտարարել է «Ազգային անվտանգություն» կուսակցության նախագահ Գառնիկ Իսագուլյանը։
Ավելին՝ նրա դիտարկմամբ՝ բանակն այսօր իրավունք ունի նաեւ կալանավորել Փաշինյանին։ «Բանակն ունենալով հստակ փաստեր, որ տեղի է ունեցել դավաճանություն՝ իրավասու է մտնել և կալանավորել նրանց: Իշխանության համար սահմանադրություն գոյություն չունի , նրանք սահմանադրական դաշտից և օրենքից դուրս են գործում»,-ասել է Իսագուլյանը:
Վերջինս կարծում է, որ բանակն այսօր չի կատարում Նիկոլ Փաշինյանի անօրիանական հրահանգները, այդ պատճառով էլ Փաշինյանի համար առաջնային խնդիր է դարձել ԳՇ պետին ազատելը և նրան փոխարինել այլ անձով, որը կկատարի իր հրամանները.
«Դրանից հետո իր իշխանությունը մինչև 2050 թ-ը անսասան մնալու է, բայց մենք այլևս հայրենիք չենք ունենա»,-ասաց Իսագուլյանը:
Մանրամասները տեսանյութում