Սիրելի՛ կանայք և աղջիկներ, ՛՛Հաճըն՛՛ հայրենակցական միությունը սիրով շնորհավորում է բոլորիդ Կանանց միամսյակի առթիվ: Այս օրերին, երբ բոլորիդ սրտերում պիտի գարուն լիներ, այսօր, ցավոք, միայն թախիծ ու արցունքի ծով է: Մեր վերքերը դեռ չեն չորացել, իսկ ցավն ուղղակի անտանելի է: Այնուամենայնիվ, հայ կանայք իսկապես հզոր են: Չքնա՛ղ հայուհիներ, դուք ուժեղ եք և ամուր, ցանկանում ենք, որ ձեր տոկունությունը երբեք չսասանվի, այլևս երբեք տխուր գարուններ չունենաք, առողջ ու երջանիկ լինեք:
Հատկապես ցանկանում ենք մեր խոնարհումն ու սերն արտահայտել մեր այն քաջարի հայուհիների հանդեպ, որոնց ամուսինները, եղբայրները, որդիները հերոսաբար ընկան հանուն հայրենիքի մղված անհավասար մարտերում:
Նժդեհը երիցս ճիշտ է՝ մայրերի ափերի մեջ է պետք փնտրել ազգերի ճակատագիրը: Ձեր կրթած սերունդը հերոսավայել կեցվածք դրսևորեց մարտի դաշտում, և վստահ ենք, որ մեր փառավոր հաղթանակները դեռ առջևում են: Եվս մեկ անգամ՝ մեր խոնարհումը ձեզ, սիրելի՛ կանայք և աղջիկներ: