ԻՇԽԱՆՈՒԹՅԱՆ ԳՈՐԾՈՒՆԵՈՒԹՅԱՆ ԱՐԴՅՈՒՆԱՎԵՏՈՒԹՅՈՒՆԸ ԳՆԱՀԱՏՈՂ ԳԵՐԱԳՈՒՅՆ-ԳԼԽԱՎՈՐ ԱՐԲԻՏՐԸ ԺՈՂՈՎՈՒՐԴՆ Է:
ՆԱ Է ԻՐԱՎՈՒՆՔԻ ԱՂԲՅՈՒՐԸ ԵՎ ԴՐԱՆԻՑ ԶՐԿՈՂԸՀՀ Սահմանադրության 2-րդ հոդվածի համաձայն Հայաստանի Հանրապետությունում իշխանությունը պատկանում է ժողովրդին:
Սրանից հետևում է, որ ազգային ժողովի ձևավորմամբ Հայաստանի Հանրապետության ժողովուրդը չի զրկվում իշխանությունից: Վերոգրյալ տրամաբանության մեջ կարծում եմ, որ պատգամավորական լիազորություններից զրկելու պահանջով Հայաստանի Հանրապետության սահմանադրական դատարան դիմելու սուբյեկտ պետք է դիտարկվի նաև ընտրողը (ընտրելու իրավունք ունեցող ՀՀ քաղաքացիների որոշակի տոկոսի ստորագրության առկայության դեպքում), քանի որ ԸՆՏՐԵԼՈՒ ԱԶԱՏՈՒԹՅՈՒՆԸ ենթադրում է նաև ԻՐԱՎՈՒՆՔ և ԱՆՄԻՋԱԿԱՆ ՀՆԱՐԱՎՈՐՈՒԹՅՈՒՆ որոշակի հիմքերի (նախընտրական խոստումը չկատարելը, ընտրողների իրավունքներն ու օրինական շահերը ԱԺ-ում պատշաճ չներկայացնելը և այլն) դեպքում ՀԵՏ ԿԱՆՉԵԼ ՊԱՏԳԱՄԱՎՈՐԱԿԱՆ ՄԱՆԴԱՏԸ:Բացի դրանից պատգամավորը, որպես իշխանության կրող պետք է իր գործողություններով առավելագույնս բացառի հասարակական դժգոհությունների խորացումն ու դրանով պայմանավորված բացասական էներգիետիկայի կուտակումը: Եթե պատգամավորի կամ նրանց որոշակի խմբի գործողությունների կամ անգործության արդյունքում առաջանում է որոշակի խնդիր և այն ժամանակին ու պատշաճ լուծում չի ստանում, դրան հետևում է ճգնաժամը: Հետևաբար կարծում եմ ՊԵՏՔ Է ՎԵՐԱՑՎԻ ՊԱՏԳԱՄԱՎՈՐԱԿԱՆ ԱՆՁԵՌՆՄԽԵԼԻՈՒԹՅԱՆ ԻՆՍՏԻՏՈՒՏԸ և հիմնական օրենքի մակարդակում հնարավորություն տրվի ընտրողին անմիջականորեն դիմել իրավասու մարմնին պատգամավորի նկատմամբ ներգործության միջոցներ կիրառելու, ընդհուպ քրեական պատասխանատվության ենթարկելու հարցով:
ՄԻ ՄՈՌԱՑԵ՜Ք Իշխանության գործունեության արդյունավետությունը գնահատող գերագույն-գլխավոր արբիտրը ԺՈՂՈՎՈՒՐԴՆ Է:
Հայկ Եգանյան