ՀՅԴ երիտասարդական միության անդամները տեղեկություններ ստացան, որ Նիկոլ Փաշինյանն այսօր այցելելու է ԿԳՄՍ նախարարություն և հայտարարեցին, որ լինելու են ԿԳՄՍ նախարարության մոտ, իսկ այսօր առավոտյան արդեն բազմաթիվ ոստիկաններ են բերվել տարածք, նախարարությունը չորս կողմից շրջապատված է ոստիկանների կողմից՝ ապահովելու Փաշինյանի մուտքը շենք:Երկու կողմից փակ է Վազգեն Սարգսյանի փողոցը: ՀՅԴ ՀԵՄ անդամ Քրիստինե Վարդանյանը լրագրողների հետ զրույցում նշեց, որ ակցիան ակցիայի բացակայությունն էր՝ ցույց տալու իշխող ուժի վախի չափը։ Տարածքում եկել երեք երիտասարդ էին եկել, իսկ վարչապետը իրեն հսկելու համար հազարավոր ոստիկաններ էր դուրս բերել փողոց։
«Պետք է շեշտեմ, որ երեք ընկերներով ենք այստեղ։ Ակցիայի ամբողջ իմաստը դա է։ Մենք պարզապես ուզում էինք ցույց տալ այն ոստիկանապետության պատկերը, որ հիմա ՀՀ-ում իրականություն է դարձել։ Նիկոլ Փաշինյանը հինգ հարյուր մետր վերեւ գտնվող իր աշխատասենյակից նախարարություն կարող է այցելել հազարավոր ոստիկանների ուղեկցությամբ։ Հազարավոր ոստիկաններ նստած են ավտոբուսների մեջ և այս պատկերն էինք ուզում ցույց տալ։ Ուզում էինք ցույց տալ, որ հետպատերազմյան շրջանում հազարավոր զոհերի, հարյուրավոր գերիների պայմաններում՝ տեսեք ո՞ւր են գնում ձեր հարկերը։ Դրանք գնում են ավտոբուսները վարձակալելու, հրապարակում պահելու և ոստիկանների՝Նիկոլ Փաշինյանի քայլելը հսկելու համար, հավելավճարներ տալու համար, որովհետև այդ մարդկանց պետք է շահագրգռեն։ Տեսեք մարդը ոնց է տեղաշարժվում և մտածեք՝ ուզում եք նման ղեկավար ունենալ, թե ոչ»,- ասաց Վարդանյանը։
ԿԳՄՍՆ շենքի մոտ
Նշենք, որ Նիկոլ Փաշինյանի հրաժարականը պահանջող քաղաքացիները հավաքվել են ԿԳՄՍ նախարարության շենքի դիմաց, որտեղ սպասվում է Նիկոլ Փաշինյանի հանդիպումը՝ 11:00-ին։