«Եթե նշանակեն արտահերթ ընտրություններ, չի կարելի գրացնել Նիկոլի հաղթանակ։ Ընդահակառակը, ինքը ստիպած է գնում ընտրությունների, ընտրությունների է գնում Հայրենիքի փրկության շարժման ու առահասարակ մեր հայրենակիների պայքարի արդյունքում»,- 5-րդ ալիքի «Հարազրույց» հաղորդման ժամանակ ասել է ՀՅԴ ԳՄ ներկայացուցիչ, Հայրենիքի փրկության շարժման համակարգող Իշխան Սաղաթելյանը։
Նա ընդգծել է՝ եթե որևէ իշխանության վիճակ նորմալ է ու լեգիտի, չի գնա ընտրության։
Ի. Սաղաթելյանը նշել է, որ արտահերթ խորհրդարանական ընտրությունները ճգնաժամը հաղթահարելու լավագույն միջոցն է, բայց եթե իր կազմակերպմամբ, իր վարչապետի ԺՊ կարգավիճակով, մեծ վտանգ կա, որ այդ ընտրությունները չեն լինելու մրցակցային, հավասար պայմաններով, չեն ունենալու հանրային մեծ վստահություն։
«Այս պարագայում ոչ թե կհաղթահարենք ճգնաժամը, այլ կմտնենք ավելի խորը ճգնաժամի մեջ»,- ասել է նա։
Ի. Սաղաթելյանն ընդգծել է՝ ընտրություններ պետք է լինեն, բայց չպետք է լինեն իր կազմակերպմամբ։
«Հայրենիքի փրկության շարժումն իբրև շարժում երբեք չի մարի, քանի դեռ այս հարցը լուծած չէ, Շարժման անդամ կուսակցություններն ազատ են իրենց դիրքոշումների մեջ։
Չեմ կարծում, որ կան խորը տարաձայնություններ, որ շարժման այս ձևաչափը կարող է այս պահին փլվել»,- ասել է նա։
Ի. Սաղաթելյանը հայտնել է, որ այսօր կայանալու է Շարժման խորհրդի նիստ, ակտիվ շփվում են գործընկերների հետ, այս պահին ամեն ինչ նորմալ է, պայքարը պետք է շարունակի։
Նա նշել է, որ Փաշինյանը բացարձակ հնարավորություն չունի նույնիսկ ընտրությունների միջոցով վերարտադրելու, բայց իր տեսակը, այն հանգամանքը, որ հանուն աթոռի պատրաստ են ամեն ինչի, հնարավոր է այդ ընտրությունները դառնան նոր ճգնաժամի պառճառ։
Խոսելով Հայրենիքի փրկության շարժման մինչ այժմ ծավալած գործունեության մասին, մասնավորապես թույլ տված սխալների մասին, Ի.Սաղաթելյանն ասել է. «Շարժումը հսկայական գործ է իրականացրել, աննախադեպ համախմբում է եղել։ Իրականում 4-5 ամիս փողոցում ենք եղել, արել ենք հնարավորը։ Թերություններ, բացթողումներ, իհարկե, ունեցել ենք։ Մենք չենք կարողացել օգտվել այն տեխնոլոգիաներից, որ գոյություն ունեն, նրանից, ինչից օգտվել էր Նիկոլը։
Մենք այդ տեխնոլոգիաներից չենք օգտվել և մեր հիմնական բացթողումներից մեկը եղել է դա։ Մենք պայքարը տարել ենք շատ ազնիվ, շատ շիտակ, ազգային հողի վրա։ Խոսել ենք խնդիրների, խորքային վտանգների մասին, հաճախ մեր քաղաքացիները մեր ասածը խորությամբ չեն ընկալել։
Ամենամեծ բացթողումներից մեկը համարում եմ դա, որ մենք պոպուլիզմով չենք զբաղվել, չենք խաբել, չենք ասել՝ եկեք ու վաղվանից կապրեք գոհ ու երջանիկ։ Այս իմաստով, չենք կարողացել ամբողջացնել փողոցային պայքարը։
Այն ինչ ինքն է արել, մենք չէինք կարող անել»։
Նա հայտարարեց, որ փողոցային պայքարը չի մարել։
Մանրամասները՝ տեսանյութում։