Խորհրդարանը վերացրեց Հայաստանում 2020 թվականի սեպտեմբերի 27-ից հայտարարված ռազմական դրությունը:
ԱԺ-ն կողմ քվեարկեց ընդդիմադիր խմբակցությունների հեղինակած «Ռազմական դրությունը վերացնելու մասին» օրինագծին։
Հիշեցնենք՝ նախագծի քննարկման ժամանակ ԱԺ «Լուսավոր Հայաստան» խմբակցության ղեկավար Էդմոն Մարուքյանը նշել էր, որ ռազմական դրությունը սահմանափակում է ընդդիմության իրավունքները, ժողովրդավարությունը երկրում, քանի որ մի շարք համայնքներում ընտրություններ չեն կազմակերպվում: Նրա խոսքով՝ գլխադասային հանձնաժողովը բացասական եզրակացություն էր տվել հարցին, քանի որ այդ պահին քաղաքական ուժերը դեռևս չէին բանակցել, իսկ այժմ կա հանգուցալուծում՝ հայտարարվել է արտահերթ ընտրությունների օրը: ԱԺ նախագահ Արարատ Միրզոյանն էլ կոչ արեց գործընկերներին կողմ քվեարկել նախագծին՝ հետագա շահարկումներից խուսափելու համար։