Աժ փոխխոսնակ Ալեն Սիմոնյանը խորհրդարանում անդրադարձավ մարզային ներկայացուցչության հետ կապված իր գործընկերների մտահոգություններին, որոնք կարծում են, թե ռեյթինգային ընտրությունը մարզային ներկայացուցչությունն է։
«Ժամանակի ընթացքում ստեղծված մարզային բդեշխները, որոնց մոտ աշխատում են այդ մարզում ապրող մարդիկ, չեն կարող լինել մարզերի ներկայացուցիչներ։ Նրանք արտոնություններ են ունեցել, որպեսզի ապահովեն այս մարզից գալիք ձայների քանակը և կուսակցությունը ուղղակի չներառելով իր ցուցակում մարզի ներկայցուցիչներ, ուղղակի այդ մարզից ձայն չի ստանա նոր առաջարկվող ընտրակարգով»,- ասաց Սիմոնյանն ու նաև դիմեց ընդդիմադիր գործընկերոջը՝ Էդմոն Մարուքյանին, խնդրելով մեկնաբանել, թե ինչու է համամասնական ընտրակարգի մասին իր կարծիքը ժամանակի ընթացքում փոխել ու խնդրեց նաև բացատրել, թե ինչու է այսօր Մարուքյանն ասում, որ խաղի կանոնները փոխվել են։