Պատերազմի ընթացքում անհետ կորած զինծառայողների հարազատները շարունակում են փակ պահել ՀՀ պաշտպանության նախարարության մուտքերը՝ մինչև չստանան իրենց հուզող հարցերի պատասխանները:
Ակցիայի կազմակերպիչներից Արսեն Ղուկասյանը դիմեց բոլոր անհետ կորած զինծառայողների հարազատներին. «Քանի որ մեզ անընդհատ խաբում են, տարբեր թվեր են ասում, թե քանի անհետ կորած ունենք, մենք ստեղծենք մեր տվյալների արխիվը: Խնդրում եմ այն ծնողներին, որոնց երեխաները, հարազատները կորած են, որևէ տեղեկություն չունեն նրանց մասին, իրենց երեխաների լուսանկարերը բերեն ՊՆ գլխավոր մուտքի մոտ, մենք այստեղ կհավաքենք, որպեսզի ի վերջո ունենք տեղեկատվություն անհետ կորածների թվի մասին»:
Նա նշեց, որ իրենք շարունակելու են մնալ ՊՆ մոտ, հավաքված ծնողները պատրաստակամ են, ինչքան պետք է, այնքան կմնան: