Ռուսաստանը հայ գերիների վերադարձի հարցում ներգրավված է այնքանով, որքանով նոյեմբերի 9-ի եռակողմ հայտարարության կողմերից մեկն է, որում էլ ամրագրված է գերիների անհապաղ վերադարձի համաձայնությունը: Իսկ ԵԽԽՎ-ն այս հարցում ներգրավված է այնքանով, որքանով գերիների վերադարձի հարցը միջազգային մարդասիրական իրավունքի իմպերատիվ նորմ է: Այս մասին ԱԺ-ում ճեպազրույցի ժամանակ ասաց իմքայլական պատգամավոր Արման Եղոյանը:
Պատգամավորի խոսքով՝ ԵԽԽՎ նիստի այս ընթացակարգով գերիների վերադարձի վերաբերյալ որևէ բանաձև չի նախատեսվում.
«Գերիների հարցը որքան էլ փորձում ենք չքաղաքականացնել, այդ հարցը պետք է լուծվի միջազգային մարդասիրական իրավունքի նորմերով, բայց, քանի որ տեսնում ենք այդ հարցի քաղաքականացման փորձեր Ադրբեջանի կողմից, հետևաբար, նրանց վրա նաև քաղաքական ճնշում պետք է բանեցվի, ինչն արդեն արվում է»,-ասաց Եղոյանը: