Ստեփանակերտում ռուսական խաղաղապահ զորախմբի մարդասիրական արձագանքման՝ քաղաքացիների ընդունելության կենտրոնը շարունակում է աշխատանքները: Այստեղ գործում է նաեւ անհայտ կորած զինծառայողների որոնման, մարդասիրական օգնություն ցուցաբերելու, աշխատանքի տեղավորման աջակցության եւ այլ խնդրահարույց թեմաների վերաբերյալ տեղեկությունների հավաքագրման թեժ գիծը։
«Այսօր կենտրոն է դիմել Լեռնային Ղարաբաղի 10 քաղաքացի։ Հիմնական խնդրահարույց հարցերը մնում են անհայտ կորած զինծառայողների որոնման, գնդակոծությունների հետևանքով ավերված տների վերականգնման հարցերը: Երկու ֆերմերներ դիմել են իրենց այգիները պայթունավտանգ առարկաներից ականազերծելու համար», – հայտնել Է հումանիտար արձագանքման կենտրոնի ներկայացուցիչ Դմիտրի Սերովը:
Օգնության համար քաղաքացիների ընդունելության կետ է դիմել շուրջ 3600, ավելի քան 800 դիմում ստացվել է թեժ գծի միջոցով։
Հեռախոսի միջոցով հաղորդած կամ անձամբ ներկայացած քաղաքացիների դիմումները ստացող հերթապահ սպաները հստակեցնում են խնդրի բնույթը, հարազատներից պարզում զինվորի անհայտ կորելու հավանական տարածքի մասին տվալները և գրանցում նրանց կոնտակտային տվյալները: Բոլոր դիմումները մուտքագրվում են տվյալների բազա և ուղարկվում են համատեղ որոնողական խմբին:
Անհետ կորածների որոնողական աշխատանքները հետագայում անց են կացվում Կարմիր խաչի միջազգային կոմիտեի, ադրբեջանական եւ հայկական կողմերի ներկայացուցիչների հետ փոխգործակցությամբ: