Երեկ Ազատության հրապարակում կայացավ Ռոբերտ Քոչարյանի, «Հայ հեղափոխական դաշնակցություն» և «Վերածնվող Հայաստան» կուսակցությունների ձևավորած «Հայաստան» դաշինքի հանրահավաքը:
Past.am-ը գրում է, որ իշխանական «հարթակները» շտապեցին մասնակիցների ինչ-որ թվեր հայտարարել, որոնք այնքան արհեստական էին, որ սոցցանցերում դարձել էին ծաղրի առարկա:
Past.am-ի տեղեկություններով, իրապես անկախ մասնագետների, ոստիկանության և ԱԱԾ հաշվարկները շատ հեռու են վերոգրյալ շրջանակների ներկայացրած տվյալներից: Ըստ իրավապահ համակարգի մեր աղբյուրների, ոստիկանության և ԱԱԾ հաշվարկներով հանրահավաքին մասնակցել է մոտ 33 հազար մարդ: