Ականապատ դաշտերի քարտեզների տրամադրումը Ադրբեջանին ամենեւին չի նշանակում, թե այդ երկիրը փոխելու է իր քաղաքականությունը հայ ռազմագերիների հարցում։ «Փաստինֆո»-ի հետ զրույցում ասել է «Ազգային անվտանգություն» կուսակցության նախագահ Գառնիկ Իսագուլյանը։
«Մենք նաև պետք է գիտակցենք, որ եթե 3 գերի վերադարձել է, իրավիճակը այնպիսին է, որ թշնամին ցանկացած օր կարող է ևս 30 մարդ գերի վերցնել: Խոսքս Գորիս-Կապան ճանապարհի մասին է: Իրենց համար մի քանի գերի վերադարձնելը և հետո տասն անգամ ավելի շատ մարդ գերի վերցնելը դժվարություն չի ներկայացնում:, այնպես որ մեր անվտանգությունն այս առումով ապահովված չէ»-, շեշտել է նա:
Ինչպես արդեն տեղեկացրել ենք՝ Բաքվում ՌԴ ԱԳ նախարար Լավրովը հայտարարել է, որ հումանիտար հարցերը պետք է արագացված տեմպով կարգավորվեն՝ մատնանշելով, ռազմագերիների և զոհվածների աճյունների վերադարձի, ինչպես նաև՝ ականապատ դաշտի քարտեզների Ադրբեջանին փոխանցելու անհրաժեշտությունը։ Ընդ որում՝ Լավրովը նաև նշեց, որ Հայաստանի իշխանություններն Ադրբեջանի բարձրաձայնած հարցը լուծելու անհրաժեշտությունը գիտակցում են և այդ ուղղությամբ արդեն նախնական քայլեր են իրականացվել։ Իսկ Ադրբեջանի ԱԳ նախարարը ընդգծեց, որ Ադրբեջանը ռազմագերիների վերադարձման իր պարտավորությունները կատարել է։
Մինչդեռ՝ հարյուրավոր հայորդիներ այսօր գտնվում են Բաքվում գերու, պատանդի կարգավիճակում։
Գ.Իսագուլյանի դիտարկմամբ՝ Ադրբեջանը կշարունակի իր պայմանները թելադրել այս իշխանություններին:
«Ով վճարում է, նա էլ թելադրում է պայմանները: Ադրբեջանի վճարել է այս տարածքների համար, հիմա էլ թելադրում է, թե ինչպես հանձնել այս տարածքները: Այստեղ երկրորդ կարծիք լինել չի կարող»,- ասաց Իսագուլյանը եւ ավելացրել, որ քանի դեռ Հայաստանի վարչապետն է համարվում Նիկոլ Փաշինյանը, մենք անընդհատ զիջելու ենք
Իսագուլյանը նշեց, որ եթե Հայաստանում իշխանությունը չփոխվի, մենք զիջելու ենք նաև Երևանը: «Այստեղ որևէ տարօրինակ բան չկա: Որևէ բացատրություն այն գործողությունների, որոնք անում է Նիկոլը, ի դեպ միակողմանի, չկա։ Դա նշանակում է, որ նա թշնամուն կհանձնի նաև մեր մայրաքաղաքը: Ուղղակի նա մաս-մաս է հանձնում մեր Հայրենիքը, որ մարդիկ դա չգիտակցեն: Կամ էլ ինքը վստահ է, որ մեր ժողովուրդը ունակ չէ ինչ- որ բան գիտակցել ու հասկանալ»,- ասաց «Ազգային անվտանգություն» կուսակցության նախագահը: