Սյունիքի մարզի Շուռնուխ գյուղում սպասողական վիճակ է։ Բնակիչները հասկանում են, որ ադրբեջանցիների առաջխաղացումը հնարավոր է միակողմանի չլինի, այլեւ նրանց սովորության համաձայն՝ լայնածավալ։
«Փաստինֆո»-ի հետ զրույցի ժամանակ Շուռնուխի գյուղապետ Հակոբ Արշակյանն ասաց, որ այս ընթացքում դիրքերում ադրբեջանական կողմից շարժ կամ որևէ ակտիվություն չի նկատվել. «Կոնկրետ պոստերում սսկված են, բայց ամեն դեպքում սպասողական վիճակ է, որ ամեն պահի կարող է այստեղ էլ ինչ-որ բան լինի։ Մեզ մոտ ավելի վատ կարող է լինել, քանի որ GPS-ի տվյալներով մայրուղին մտնում է իրենց վերահսկողության տակ, ճանապարհի տակ են և կարող են փորձել փակել այն։ Հնարավոր է ասեն՝ այս 500 մետրը մերն է ու փակեն»,-ասաց Հակոբ Արշակյանը։
Շուռնուխի գյուղապետը նշեց, որ գյուղի տղամարդիկ պատրաստակամ են և անհրաժեշտության դեպքում կարող են դիմակայել։