Պարոնայք ոստիկաններ, հրամանը պետք է կատարվի,բայց ամեն հրաման չէ, որ ունի իրավական հիմք։ Հայոց պետականությանը վնասող հրամանների չկատարումը կհամարվի հերոսություն՝ մի ծեծեք ազգին, մի դարձեք գործիք ոչ մեկի ձեռքին: Նման հայտարարությամբ է հանդես եկել ազատամարտիկ, «Արծիվ 30» մահապարտների գնդի փոխհրամանատար Եփրեմ Մարգարյանը՝ դիմելով ոստիկաններին։
«Հարգելիներս այսօր մեր պետության անվտանգության երաշխիքը ուժային կառույցներն են, որոնք իրենց երդմանը համաձայն,պետք է պարտավորված լինեն պաշտպանելու երկիրը, բայց ոչ թե ինչ -որ մեկին, որն իր անադեկվատ որոշումներով օր օրի խարխլում է պետության հիմքերը, օգտագործելով ձեր գործոնը և ձեզ:
Պարոնայք այսօր ձեր անմիջական հովհանու ներքո ,օգտվելով ձեր անվերապահորեն հրաման կատարելու պատրաստակամությունից ,իշխանական և ընդդիմադիր ուժերը ձեզ սարքել են իրենց կամակատարը,և այս ամենից օգտվում են իրենք, իսկ տուժվում դուք, արժանանալով բազում անեծքների և հակակրանքի:Եղբայրներ, խնդրում եմ ձեզ կողմնորոշվել այն հարցում ,որ դուք տվել էք երդում հայրենիքի և ժողովրդի պաշտպանության համար, պատերազմում ընկան շատ առյուծ տղերք, և այդ ամենից նաև զերծ չմնաց ոստիկանական ստորաբաժանումները,փառքով պատվով ,իսկ հիմա ինչն է խանգարում ձեզ, որպեսզի այդ փառքի ճանապարհը շարունակեք՝ ըստ արժանավույն և սպայական պատվին արժանավայել ձևով, որպես հայ, որպես ոստիկան, որպես օրենքի մարդ:
Կատարելով մի շարք անօրինական հրամաններ, և ձեզ համոզելով որ դուք ճիշտ էք ,նպաստում էք մեր թշնամու հաջողությանը, մի արեք տղերք ,դուք այս ազգի տղերքն էք ոչ թե նիկոլի կամ ընդդիմադիրների:Կան թղթի վրա գրված օրենքներ, բայց ամենավեհ օրենքը գրված է քո խղճի մեջ, հետևիր խղճիդ և թղթե օրենքը աչքերդ կբացեն, ու կտեսնեք իրական անօրենությունը, որի համար դուք պայքարում էք,և ձեր խղճի թելադրանքով մեղավորները կկանգնեն դատարանի և հայ ժողովրդի արդար դատաստանի առաջ:Պարոնայք ոստիկաններ ,հրամանը պետք է կատարվի,բայց ամեն հրաման չե որ ունի իրավական հիմք և ճիշտ է ,ուստի այն հրամանները, որոնք վնասում է Հայոց Պետականությանը,դրանք չկատարելը կհամարվի հերոսություն և ազգը կզգա, որ նա ունի արդարացի և անաչառ ոստիկանություն, արժանի կոչմանն ու պատվին:Մի արեք տղերք ,մի մոռացեք դուք ոստիկան էք ,մի ծեծեք ազգին, մի դարձեք գործիք ոչ մեկի ձեռքին: Բարի և արդար ծառայություն եմ մաղթում բոլորիդ»,- նշել է մահապարտը: