Նիկոլ Փաշինյանի վերընտրվելը ձեռնտու է Ադրբեջանի իշխանություններին։ Sputnik Արմենիային տված հարցազրույցում նման կարծիք է հայտնել ՌԴ Պետական դումայի պատգամավոր, ԱՊՀ գործերով, եվրասիական ինտեգրման ու հայրենակիցների հետ կապերի կոմիտեի նախագահի առաջին տեղակալ Կոնստանտին Զատուլինը։
Ըստ նրա, ակնհայտ է (գոնե Սյունիքում սրացումից առաջ), որ Ադրբեջանի ղեկավարությունը շահագրգռված է, որ ներկայիս վարչապետ վերընտրվի:
«Նրա հետ հեշտ է գործ ունենալ, քանի որ նա պարտության հոմանիշն է: Հեշտ է ճնշել նրան, հեշտ է սպառնալ, հեշտ է վախեցնել: Նրանք կնախընտրեին նրան, քան ցանկացած այլ մեկը, ով այսօր դեմ է իր (Նիկոլ Փաշինյանի) կողմից ղեկավարվող կառավարությանը»,- ասաց Զատուլինը:
Պատգամավորը նաև նշեց, որ ինչ վերաբերում է Ռուսաստանին, ապա այն պաշտոնապես զերծ է մնում Հայաստանի ներքին գործերին խառնվելուց: Քանի որ պաշտոնական մակարդակում ցանկացած միջամտություն կարող է սխալ մեկնաբանվել հայ ժողովրդի կողմից:
Ըստ նրա ՝ հայ ժողովուրդը իմաստուն պատմական դաշնակից ու բարեկամ է: Եվ Մոսկվան չի պատրաստվում պաշտոնապես պարտադրել իր տեսակետը:
Այլ հարց է, որ քաղաքական և հասարակական գործիչները, Ռուսաստանում գտնվող հայկական սփյուռքը, բնականաբար, ունեն իրենց նախասիրությունները: Մասնավորապես, սփյուռքին միավորում է պատերազմից հետո ստեղծված իրավիճակի մերժումը և որպես պարտության խորհրդանիշ ընկալվող վարչապետի գործողությունները: