ՀՀ սահմանից գերեվարվել են հայ զինվորներ, սակայն ՀՀ սահմանից մենք չենք կարող անվանել դա գերեվարում, դա առևանգում է: Այս մասին ԱԺ-ում ասաց «Իմ քայլը» խմբակցության ղեկավար Լիլիթ Մակունցը:
« Սա տեղի է ունենում այն պարագայում, երբ մեր միջազգային գործընկերները պատշաճ գնահատական չեն հասցնում և իրերն իրենց անունով չեն կոչում»,-ասաց Մակունցը և կոչ արեց միջազգային հանրությանը պարտադիր կերպով հստակ գնահատական և հստակ դիրքորոշում հայտնել Ադրբեջանի անթույլատրելի գործողությունների վերաբերյալ. «Մեր հանրության շրջանում կա ակնկալիք, որ ՀԱՊԿ-ը շատ օպերատիվ կերպով արձագանքի տեղի ունեցող իրադարձություններին, և այդ օպերատիվ արձագանքի հապաղումն է, որ հանգեցնում է նման զարգացումների և էսկալացիաների: Կարծում եմ հետագա լարումներից խուսափելու համար, այն անվտանգային համակարգը, որի մաս է կազմում Հայաստանը , այն գործընկերները, ում անհանգստացնում է Հարավային Կովկասում տեղի ունեցող անթույլատրելի գործողությունները ՀՀ տարածքային ամբողջականության նկատմամբ, պետք է հստակ գնահատական տան այս ամենին»,-ասաց Լիլիթ Մակունցը: