ԲՀԿ-ական պատգամավոր, այժմ անկուսակցական Նաիրա Զոհրաբյանը հրապարակել է Աբովյան փողոցում սպանվածի՝ սավանով ծածկված մարմինն ու գրել.
«Քիչ առաջ Աբովյան փողոցում հնչեցին կրակոցներ։
Երբ անցա այդ զարհուրելի տեսարանի կողքով, տպավորությունս այն էր, որ վերադարձել ենք անվերահսկելի 90-ականներ։
Նիկոլական իշխանությունը երկիրը վերածել է անկառավարելի քաոսի, ով՝ ում և որտեղ ուզում է, կրակում է։
Հիշեցնեմ Նիկոլի խոսքը՝ «մեր երկրում այլևս երբեք կրակոցներով հարց չի լուծվելու»։
Sputnik Արմենիայի տեղեկություններով` այսօր Երևանի Աբովյան փողոցում սպանվածը քրեական հեղինակություն համարվող Արթուր Ասատրյանի՝ Դոն Պիպոյի մտերիմներից է։