ԱԺ պետաիրավական հարցերի մշտական հանձնաժողովի նիստում քննարկվում է ընդհանուր հայտարարագրման ինստիտուտի անցում կատարելու հարցը:
«Հանրային ծառայության մասին» ՀՀ օրենքում փոփոխություն կատարելու նախագծով առաջարկվում է անկախ համայնքի բնակչության թվից, հայտարարագիր ներկայացնելու պարտականություն դնել ՀՀ բոլոր համայնքների ղեկավարների համար։ Փոփոխությունների առաջարը ներկայացրել է Լուսավոր Հայաստան խմբակցությունը:
Նախատեսվում է, որ օրենքն ուժի մեջ կմտնի 2020 թվականի հունվարի 1-ից:
«Փոքր համայնքներում, որտեղ մանկապարտեզ չկա, սոցիալապես շատ անապահով համայնքներում, պարզվում է համայնքի ղեկավարները պաշտոնավարման ընթացքում հսկայական գույք են կուտաել հարսի, զոքանիչ և այլ փոխկապակցված անձանց անունով: Ստացվում է, որ աղքատ գյուղում կա համայնքի ղեկավար, որը տեղի ֆեոդալն է», – ասաց «Իմ քայլը» խմբակցության պատգամավոր Վահագն Հովակիմյանը:
Հանձնաժողովում նախագիծը դրական եզրակացության արժանացավ քառօրյա նիստերի օրակարգում ընդգրկվելու համար: