Մենք, դաշնակիցների աջակցությամբ, սահմանային իրադրությունը պետք է լուծենք խաղաղ ճանապարհով, որովհետև դրա հնարավորությունն իրապես կա: Սիսիանում քարոզարշավի ժամանակ հայտարարեց Նիկոլ Փաշինյանը և ընդգծեց՝ Ադրբեջանի զորքերն աներկբա պետք է դուրս գան Հայաստանի սահմաններից.
«Մենք մեր ռուս գործընկերների հետ ամենօրյա կապի մեջ ենք և պատկերացումը հետևյալն է՝ սահմանային կետերի երկայնքով պետք է տեղակայվեն ռուս սահմանապահների ներկայացուցիչները, հետո միջազգային դիտորդների հովանու ներքո պետք է տեղի ունենա Սոթքից-Խոզնավար սահամանային կետերի ճշգրտում, դեմարկացիա և դելիմիտացիա»,-ասաց Փաշինյանը:
Նրա խոսքով՝ Ադրբեջանը սահմանային միջադեպերով փորձում է ազդել Հայաստանում ընտրությունների արդյունքների վրա.
«Ես կասկածներ ունեմ, որ սահմանային միջադեպերով փորձ է արվում ազդել Հայաստանում ընտրությունների արդյունքների վրա, բայց մենք մեր միասնությամբ պետք է քայլենք տարածքային ամբողջկանությունը պաշտպանելու ճանապարհով»,-ասաց Նիկոլ Փաշինյանը: