ՀՀ երկրորդ նախագահ, «Հայաստան» դաշինքի վարչապետի թեկնածու Ռոբերտ Քոչարյանը ռուսական լրատվամիջոցների հետ զրույցի ժամանակ ասել է, որ ընտրություններում հաղթելու պարագայում պատրաստ է Կարեն Կարապետյանին պաշտոն առաջարկել։
«Մենք նրա հետ շփվում ենք։ Ափսոսում եմ, որ նա հեռացավ։ Կարծում եմ՝ այն, ինչ տեղի ունեցավ այն ժամանակ, ճիշտ չէր։ Գոնե իմ կողմից առաջարկ կլինի»,-ասաց Ռոբերտ Քոչարյանը։
Հարցին՝ այսինքն քննարկվու՞մ է դա, Ռոբերտ Քոչարյանն ասաց. «Եկեք փակագծերը չբացենք»։