Ամենահուժկու ապտակը հայ ազգին պատերազմից հետո տեղի ունեցավ երեկ, երբ Ադրբեջանի կողմից օկուպացված Շուշիում տեղի ունեցավ Ալիև-Էրդողան հանդիպումը և ստորագրվեց Շուշիի հռչակագիրը. այս մասին լրագրողների հետ հանդիպմանն ասաց «Պատիվ ունեմ» դաշինքի ներկայացուցիչ, «Հայրենիք» կուսակցության մամուլի խոսնակ Սոս Հակոբյանը։ Բազմաբովանդակ փաստաթուղթն իր մեջ պարունակում է նաև ռազմաքաղաքական համագործակցություն Թուրքիայի և Ադրբեջանի միջև։
«Մեր համար երևի թե ամենացավոտ հիշատակումը Զանգեզուրի միջանցքն է, կողմերը ասացին, որ այլ քայլերի շրջանակներում պետք է վերջիվերջո գործարկվի Զանգեզուրի միջանցքը։ Սա բոլորս պետք է հիշենք կապիտուլյանտին հեռացնելուն զուգահեռ, որովհետև երեք եղբայրներից երկուսը հանդիպեցին Շուշիում, երբ մեկը թափառաշրջիկի նման գունավոր մուրճով շրջում էր Սյունիքում և իր այցը կապ չուներ նախընտրական քարոզքարշավի հետ»։
Հակոբյանը նշեց, որ Փաշինյանի այցը ավելի շատ ֆլեշմոբի էր հիշեցնում։