Երեկվա հանրահավաքը քաղաքական իմպոտենցիայի և տկարության ամենատեսանելի արտահայտումներից մեկն էր. Այս մասին հայտնեց «Պատիվ ունեմ» դաշինքի ներկայացուցիչ, ՀՀԿ փոխնախագահ Արմեն Աշոտյանը`անդրադառնալով վարչական ռեսուրսի կիրառմամբ Փաշինյանի հանրահավաքին բերման ենթարկելու դեպքերին։
Աշոտյանը նշեց, որ տասնյակ ահազանգեր է ստացել՝ ինչպես են Ալավերդուց և Վարդենիսից շարժվում ավտոբուսները։ Հատուկ ուշադրություն հրավիրեց նաև այն տեղեկությանը, որ հրապարակ «բերման են ենթարկվել» նաև հոգեկան առողջության հետ խնդիրներ ունեցող մարդիկ.
«Անօգնական վիճակում գտնվող, հոգեկան առողջության հետ խնդիրներ ունեցող մարդկանց իրենց կամքից դուրս բերել քաղաքական միջոցառմանը՝ քաղաքական թրաֆիքինգ է, ամենազըռ ամենացայտուն օրինակն է։ Անգամ այսքանից հետո հրապարակը լցնել չստացվեց»։
Աշոտյանը նշեց, որ բազմաթիվ ուսուցիչներ իրեն ահազանգել են, որ իրենց ստիպված են եկել Հանրապետության հրապարակ, սակայն չեն պատրաստվում ընտրել ՔՊ-ին։
Անդրադառնալով քաղաքական ուժերի ղեկավարների հետ ունեցած Փաշինյանի հեռուստաբանավեճին՝ Աշոտյանը նշեց. «Անբարոյականության մերկապար էր՝ ստրիպտիզ և շողոքորթության շքահանդես։ Փաշինյանը՝ գրպանային դաշնակիցների հետ անցել են բացահայտ պասերով խաղի»։