Միհրան Հակոբյանի ավտոմեքենայի տակ նռնակ նետելը պայմանավորված է նրա հասարակական-քաղաքական գործունեության հետ։ Այս մասին «Փաստինֆո»-ին ասաց ՀՀ ԱԺ նախկին պատգամավոր, «Քառյան մեդիա»-ի համահիմնադիր Միհրան Հակոբյանը՝ նշելով, որ փորձ է արվել իրեն վախեցնելու, լռեցնելու, ինչը չի ստացվելու։
Ինչպես արդեն տեղեկացրել ենք՝ այսօր առավոտյան Միհրան Հակոբյանի ավտոմեքենայի տակ նռնակ է նետվել։
Միհրան Հակոբյանը մեզ հետ զրույցում հայտնեց, որ ավտոմեքենայի տակ նռնակ է պայթեցվել, ինչի հետևանքով վնասվել է տան դիմացի հատվածը և հարևանի ավտոմեքենան, իրավապահներն աշխատում են հանցագործին հայտնաբերելու ուղղությամբ։
Ինչպես արդեն տեղեկացրել ենք՝ տեղում աշխատող ոստիկանների նախնական վարկածի համաձայն Միհրան Հակոբյանի մեքենայի վրա ոչ թե ձայնային, այլ հարավսլավական արտադրության մարտական նռնակ է նետվել: Ոստիկանությունից հայտնել են, որ դեպքի առթիվ նյութեր են նախապատրաստվում։
«Ավտոմեքենայի մեջ մարդ չի եղել։ Ըստ նախնական տեղեկությունների՝ տուժած անձինք չկան, հանգամանքները պարզվում են»,- ասել է Ջանոյանը։