Հ վարչապետի պաշտոնակատար Նիկոլ Փաշինյանը Կառավարության նիստում հայտարարեց, որ լավ նորություն ունի, այն է՝ Հայաստանում աշխատատեղերի թվաքանակի նոր ցուցանիշ է արձանագրվել։
ՊԵԿ նախագահ Էդուարդ Հովհաննիսյանը զեկուցեց, որ 2021 թվականի մայիս ամսվա վերաբերյալ հայտարարագրված զրոյից բարձր եկամուտ ունեցող աշխատատեղերի քանակը կազմել է 635 հազար։
«Ցուցանիշը աննախադեպ է և կրկնել է 2020 թվականի սեպտեմբեր ամսվա ընթացքում գրանցված ամենաբարձր՝ 632 հազար ցուցանիշին»,- նշեց ՊԵԿ նախագահը։
Ըստ կառավարության անդամների՝ աճել է նաև բոլոր աշխատատեղերի հայտարարագրված աշխատատեղերի մասով վճարված եկամտի չափը՝ կազմելով 134,7 մլրդ դրամ։ Փաշինյանը հույս հայտնեց, որ սեպտեմբերին ավելի բարձր ցուցանիշ կունենան։
«2021 թվականի մայիսին ունենք 15 տոկոսով ավել աշխատատեղ, քան 2018 թվականի մայիսին, աշխատավարձերի ֆոնդը 2021 թվականին 2018 թի մայիսի համեմատ աճել է 39 տոկոսով և մեկ մարդու միջին աշխատավարձը աճել է 20.2 տոկոսով»։
Փաշինյանը նշեց նաև, որ հարցի առաջ են կանգնում, թե որքանով են այս թվերը ապահովվում ստվերից դուրս եկած աշխատատեղերի շնորհիվ և որքանո՞վ նոր աշխատատեղերի շնորհիվ։ Վերլուծությունների արդյունքում եկել են եզրակացոթյան, որ շինարարության ոլորտում որոշակի աճ կա և այդ աշխատատեղերի աճը զգացում է հենց այս ոլորտում, նաև զբոսաշրջության դանդաղ, բայց հաստատուն վերականգնման գործընթաց կա, հաջորդ ամենախոշոր սեգմենտը հանրային սննդի ոլորտում է։