Ընդդիմությունը կարող է վերցնել իշխանությունն առանց քաղաքական պայքարի, բայց դրա համար բավարար խելք է պետք, որը չեմ տեսնում,- «Փաստինֆո»-ի եթերում ասել է քաղաքական վերլուծաբան Արծրուն Պեպանյանը։
Նրա խոսքով՝ այսօր բավականաչափ մարդիկ տեսնում են, որ տարիներ շարունակ իր ասածը ճիշտ է՝ մեր ժողովրդի մի ստվար հատված հոգեմտավոր շեղում ունի։
«Ունենք 106 կուսակցություն, որոնց մեջ չկա որևէ մեկը, որն իր ծրագրի մեջ ունենա իրական այդ մռայլ պատկերը և ասի. ահա ես պատկերը պարզել եմ, սա էլ իմ լուծումն է, իմ ապաքինման կուրսն է։ Չկա այդպիսի բան, իսկ սա նշանակում է, որ մեր քաղաքական միտքը, ամբողջ 30 տարի իրականությունից կտրված իր համար ապրել է։ Ծրագրեր ունեն բոլորը, սակայն ոչ մեկի ծրագրում չկա, որ հայ ժողովուրդը, գտնվելով ստրկության հազարամյա փուլում, հոգևոր շեղումների է ենթարկվել, և հարկավոր է ապաքինել։ Սա չկա, ու դրա համար էլ մարդի սթրեսի մեջ են», -ասել է քաղաքական վերլուծաբանը։
Նրա խոսքով՝ այս տառապանքը վերևից է գալիս, Աստված է տալիս, այլ տարբերակ չկա մեզ իմաստնացնելու, և հիմա գնում է իմաստացման շրջան։
«Այո, կորուստներ լինելու են, ինչքան շուտ խելքի գանք, այնքան կորուստները քիչ կլինեն, մեզ համար մեջտեղ չկա, կամ վերանում ենք, կամ խելքի ենք գալիս ու դուրս ենք գալիս այս վիճակից, ուրիշ տարբերակ չկա, մեզ չեն թողնելու գոյություն քարշ տանք, ասել է Պեպանյանը։
Մանրամասները՝ տեսանյութում։