Գյուղացիները փակել են Երևան-Արմավիր մայրուղին և պահանջում են լուծել ոռոգման ջրի խնդիրը։
Գյուղացիները նշում են, որ մարզպետարանից որևէ մեկը նրանց հետ չի հանդիպել և ոչ էլ տեղեկացրել են, որ ջուրը կտրելու են. «Առուները չորացել են, բերքը չորանում է։ Ապրանք ենք տնկել, ջրի փողը տվել ենք, բայց ջուր չկա, որ ջրենք»,-նշում են գյուղացիներն ու ասում, որ այնտեղ կմնան այնքան ժամանակ, մինչև մարզպետը գա ու հարցը լուծի։
Ոստիկանները միջամտեցին և փորձեցին բացել ճանապարհը, ինչի հետևանքով ոստիկանների և ակցիա իրականացնողների միջև քաշքշուք սկսվեց։
Նախարար տղա ես հելի արի ստեղ, քո ժողովուրդն ենք։ Քեզ ենք ընտրել, խի՞ ես ոստիկանին ուղարկել, որ կռիվ լինի՞։ Լրագրողների հետ զրույցի ժամանակ ասաց Արմավիրի բնակիչներից մեկը։
Նշենք, որ բնակիչները փակել են Երևան-Արմավիր մայրուղին և պահանջում են լուծել ոռոգման ջրի խնդիրը։ Բողոքի ակցիայի ժամանակ քաղաքացիների և ոստիկանների միջև նաև քաշքշուք տեղի ունեցավ։
«Ոստիկաններն ասում են, որ մեզ հասկանում են, բայց սա իրենց աշխատանքն է։ Խի՞ ես ոստիկանին ուղարկել ստեղ։ Ես չեմ ուզում ոստիկանի հետ կռիվ անեմ։ 13 գյուղ այս խնդիրն ունի։ Մեր ապրուստը դա է, ի՞նչ անենք»,-նշում են ակցիա իրականացնողները։