Ադրբեջանի դիրքորոշումը շարուակում է մնալ անհանդուրժելի, Ադրբեջանը շարունակում է չընդունել, որ գերեվարված անձիք ռազմագերիներ են։ Խորհրդարանում ելույթի ժամանակ ասաց պատգամավոր Նաիրա Զոհրաբյանը․
«Ես առանձնազրույց եմ ունեցել Ստրասբուգում Ադրբեջանի պատվիրակության ղեկավարի հետ, նա հստակ նշել է՝ գերեվարված անձանց վերադարձի մասին քննարկում հայկական կողմի հետ կարող է լինել միայն այն դեպքում, երբ Հայաստանը ճանաչի Ադրբեջանի տարածքային ամբողջականությունը, բնականաբար՝ Արցախի գրավյալ տարածքները ներառյալ»,-ասաց Զոհրաբյանը։
Պատգամավորը հորդորեց խորհրդարանին միասնական ուղերձով դիմել միջազգային հանրությանը, որպեսզի հստակ պատժամիջոցներ կիրառեն Ադրբեջանի նկատմամբ․
«Եվրոպային խորհրդում պետք է կասեցվի Ադրբեջանի պատվիրակության գործունեությունը «Նավալնու «պրիչոսկան» խառնվում է, Եվրոպայի խորհուրդը Ռուսաստանի հանդեպ պատժամիջոց է կիրառում։ Կալանքներ պետք է դրվեն Ալիևի, նրա ընտանիքի բանկային հաշիվների վրա Սա կարող ենք անել։ Դիմում եմ խորհրդարանում ներկայացված քաղաքական ուժերին, որ միասնական ուղերձով դիմեն միջազգային կառույցներին և հստակ նշեն այն պատժամիջոցները, որոնք պետք է կիրառվեն Ադրբեջանի նկատմամբ, այլապես, մենք շատ երկար ենք սպասելու մեր տղաներին»,-ասաց Զոհրաբյանը;