ԱԺ արտահերթ նիստում քննարկվում էր ՀՀ քրեական դատավարության օրենսգրքում փոփոխություններ և լրացումներ կատարելու մասին հարցը։
ԲՀԿ պատգամավոր Արման Աբովյանը նկատեց,որ այս փոփոխությունները միտված են ընդլայնել ձերբակալման պատճառները․
«Կա կարծիք, որ սա ռեպրեսիվ գործողություններին միտված քայլ է», – ասաց Աբովյանը։
Իմքայլական պատգամավոր Վլադիմիր Վարդանյանը վստահեցրեց այս նախագիծը որևէ եղանակով չի ընդլայնում կամ չի սահմանափակում քրեական արդարադատություն իրականացնող դատարանի լիազորություններն այս կամ այն հարցում, այլ պարզապես հստակեցնում է չափանիշները, հիմքերը, դեպքերը, որոնց պարագայում ձերբակալությունը կարող է լինել իրավաչափ, որոնց պարագայում՝ ոչ»։
Պատգամավորը նաև նշեց, որ նոր օրենսգիրքը կընդունվի հիմա, բայց ուժի մեջ կմտնի 2022 թվականին։