Հայաստանի և Ադրբեջանի սահմանին ռուս սահմանապահների տեղակայման վերաբերյալ առարկայական քննարկումներ են ընթանում։ Այս մասին այսօր լրագրողների հետ զրույցում ասել է ՀՀ-ում Ռուսաստանի դեսպան Սերգեյ Կոպիրկինը:
«Գիտեք, ռուս սահմանապահներն արդեն Սյունիքում են։ Հայ-ադրբեջանական սահմանի հատվածում տեղակայված են ռուս սահմանապահների դիրքերը, որոնք նպաստում են, որպեսզի իրավիճակը հանգիստ և կայուն լինի», – ասել է Կոպիրկինը։
Նրա խոսքով ՝ շատ կարևոր է այնպես անել, որ տեղի բնակիչներն իրենց առավելագույնս հարմարավետ զգան նոր, անսովոր պայմաններում:
Ինչ վերաբերում է սահմանապահների տեղակայմանը սահմանի երկայնքով, այդ թվում ՝ Գեղարքունիքում, Կոպիրկինը նշել է, որ քննարկվում է այն հարցը, թե ինչպես կարելի է ընդլայնել այդ ներկայությունը ։
«Այդ հարցերի շուրջ ընթանում են առարկայական քննարկումներ, խորհրդատվություն, այդ թվում ՝ գործնական առումով ։ Ես կարծում եմ, որ ամեն ինչ կորոշվի Հայաստանի անվտանգության շահերով, սահմանին կայունության ապահովմամբ եւ եռակողմ ձևաչափով ձեռք բերված պայմանավորվածությունների իրականացմամբ», – նշել է Կոպիրկինը։