Այս պահին խուզարկում են Սյունիքի մարզի Որոտան համայնքի ղեկավար Սուրեն Օհանջանյանի բնակարանը, ինչպես նաև գյուղապետարանը։
«Փաստինֆո»-ի հետ զրույցի ժամանակ Սուրեն Օհանջանյանն ասաց, որ խուզարկությունը մեկնարկել է առավոտյան ժամը 09։00-ից և մինչ այս պահն ընթանում է։
«ՔԿ աշխատակիցներն են խուզարկություն իրականացնում։ Ընտրության հետ կապված կաշառքի գործով են խուզարկություն կատարում, թե իբր կաշառք եմ տվել, կաշառք եմ վերցրել, ինչ եմ արել»,-ասաց Սուրեն Օհանջանյանը՝ հավելելով, որ խուզարկությունն իրականացնում են դատարանի թույլտվությամբ։
Նշենք, որ երեկ խուզարկություններ են իրականացվել նաև Քաջարանի համայնքապետ Մանվել Փարամազյանի բնակարանում, ինչպես նաև
Զանգեզուրի պղնձամոլիբդենային կոմբինատում։ Խուզարկություններից հետ Մանվել Փարամազյանը և կոմբինատի իրավաբանը բերման են ենթարկվել, պղնձամոլիբդենային կոմբինատի ևս մեկ աշխատակից ձերբակալվել է։