Օրեր առաջ համացանցում տեսանյութ էր տարածվել, թե ինչպես է Գյուրջի մականունով երիտադարդը քարահունջցի ընտանիքներին տանում ոստիկանության բաժնի պետի մոտ։ Նախապես տեղեկացրել էր, որ պետն ուզում է իրենց տեսնել։ Վերջինս ՔՊ վստահված անձ էր։
Հիմա ամուսիններն ամաչում են փողոց դուրս գալ ոչ միայն դրա, այլև վարչական ղեկավար Լուսինե Ավետյանի դեմ գրած ցուցմունքի պատճառով։
Քարահունջցի ամուսինները պատմում են՝ ոստիկանները իրենց վախեցրել են և ցուցմունք կորզել գյուղապետի դեմ՝ ձերբակալելու սպառնալիքով։ Քարահունջցիներին սպառնալիքով վախեցրել և համոզել, որ ստացած գումարը օգնություն չէ, այլ կաշառք։
«Ասում են կաշառք է, ասում եմ չէ։ Ասեցին կձերբակալեն։ Ասել են մարդն ու կնոջը ձերբակալելու են։ Աշխատանքից եկել եմ, տեսնեմ տունը չի կինս։ Հարևաններից հարցրեցի ուրա, ասեցին տարել են բաժին։ Բաժնից գիշերը 4-ին 15 պակաս եկել է տուն»։
Տղամարդը պատմել է, որ 17 ամյա որդուց ևս ստորագրություն են վերցրել
«Ասում են գրածա մաման փախուստի մեջա, դու էլ տակը ստորագրի»։
Կինը պատմեց, որ գումարը ստացել է ապրիլին, դա կաշառք չէ, ալ աջակցություն անապահով ընտանիքին։
«Ասելեմ, որ դա կաշառք չէ, մեզ օգնություն են տվել։ Իրենք պնդում են, որ դա կաշառք է, բայց դա քաղաքապետն է անապահով ընտանիքին տվել։ Մեզ ասել են գումարը նստած է, մենք էլ գնացել ենք Արարատ բանկից որպես օգնություն ստանանք։ Դա կաշառք չէ, ուր ապրիլը, ուր հունիսը։ Որ հունիսին տված լինեին, կասեն կաշառքա։ Առաջին անգամ չեմ գնում քաղաքապետարանից գումար վերցնում, առողջական խնդիրներ ունեմ։ Գնացել եմ Առուշի մոտ՝ 50 հազարով օգնել է, որ հիվանդանոց գնամ»։
Գյուղապետը օգնել է բնակիչներին, բոլոր հարցերում աջակցել, անգամ տան հարցում։ Ընտանիքը Քարահունջում ապրում են վարձով՝ ոչ բարեկեցիկ։ Գորիսի համայնքապետարանից պարբերաբար աջակցություն են խնդրում։