Այս պայմաններում դեմարկացիայի և դելիմիտացիայի գործընթաց չի կարող տեղի ունենալ, դա միայն կարող է լեգիտիմացնել խախտումները և ավելի մեծ լարվածության բերել բնակիչների իրավունքների պաշտպանության առումով: Ասաց Թաթոյանը և ընդգծեց, որ դեմարկացիայի և դելիմիտացիայի գործընթացը պետք է սկսվի առնվազն ադրբեջանցի զինվորականների հեռանալուն զուգահեռ:
Նրա խոսքով՝ դելիմիտացիան և դենմարկացիան շատ կարևոր երևույթներ են, բայց պետք է ճիշտ արվի դա, իսկ եթե մենք այս պայմաններով, այս դիրքերով դեմարկացիա և դելիմիտացիա իրականացնենք, շատ խնդիրներ են առաջանալու:
ՄԻՊ-ը նաև ընդգծեց, որ Ադրբեջանում ֆաշիզմի հասնող ատելության քարոզ է տարվում հայերի նկատմամբ, ուստի այս պայմաններում երաշխիքներ ունենալ չենք կարող.
«Նրանք հեռացումը պետք է ապահովի այդ անվտանգության գոտին և հնարավորության կտա վերականգնել մեր քաղաքացիների իրավունքները»,-ասաց Թաթոյանը: