Այսօր «Տեսակետ» մամուլի ակումբի ղեկավար, Tesaketinfo.am կայքի գլխավոր խմբագիր, «Հաճըն» հայրենակցական միության ատենապետ Հովհաննես Գրիգորյան-Ճարպիկյանի ծննդյան օրն է: Մարդ, որն իր ողջ գիտակից կյանքը նվիրել է նախնիների օրրան Կիլիկիո Հաճընի հիշատակը սերունդներին փոխանցելու սուրբ գործին, որպեսզի գոնե չմարի արդեն հուշ դարձած հայրենի քաղաքի ծուխը, որպեսզի հավետ ապրեն հաճընցի դյուցազունները՝ ներկայիս սերունդներին հիշեցնելով հայի բազկի հաղթական ուժի մասին, որպեսզի այսօրվա երիտասարդներն անհայրենիք չլինեն…
Հովհաննես Գրիգորյանը Հաճընի մասունքների պահպանման գործից զատ՝ երկար տարիներ զբաղվում է հեռուստատեսային ոլորտի աշխատանքով՝ «Տեսակետ» ակումբի և համանուն կայքի միջոցով հասարակությանը մատուցելով հնարավորինս արդար ու անկողմնակալ լրատվություն:
«Տեսակետի» ողջ անձնակազմը սրտանց շնորհավորում է սիրելի ղեկավարին ծննդյան տարեդարձի առթիվ՝ մաղթելով քաջ առողջություն, անսպառ ուժ ու եռանդ:
Մենք՝ «Տեսակետի» ներկայացուցիչներս, իրավամբ կարող ենք հպարտանալ, որ ամենախառնակ ժամանակներում իսկ մշտապես կարողացել և կարողանում ենք ներկայացնել իրականությունը՝ առանց աղավաղելու և աղճատելու և պահպանելով հավասարակշռությունը, ինչպես վայել է իրեն հարգող լրատվամիջոցին:
Եվս մեկ անգամ՝ սիրով շնորհավորում ենք: