Ալիևը շարունակում է պատերազմից հետո նորից զինվել, նոր զենքեր գնել իր ոչնչացված զենքերի փոխարեն, զորավարժություններ է անում արդեն նոր թափով, և հայտարարում, որ ամեն պահի մենք պետք է պատրաստ լինենք պատերազմի: Այս մասին «Փաստինֆո»-ի եթերում ասել է «Հայաստան» դաշինքի անդամ, թուրքագետ, դոկտոր-պրոֆեսոր Ռուբեն Մելքոնյանը։
Նրա խոսքերով` մեր տարածքում անգամ ՌԴ-ի ներկայության հանգամանքը չի խանգարում Ալիեւին` Երասխում սադրանքներ իրականացնելու համար: «Սա պատերազմ է` առայժմ ոչ թե Երևանը գրավելու, այլ ակնլավները վերցնելու համար», – ընդգծել է թուրքագետը ու նկատել, որ Իլհամ Ալիևն այսօր կապկում է Էրդողանին:
«Ինչպես Թուրքիան, այնպես էլ Ադրբեջանն ուզում է իր երկրի տարածքից դուրս, այն է` ՀՀ տարածքում ստեղծել բուֆերային գոտի, նույնիսկ հրապարակել են այդպիսի քարտեզ որն անցնում է Սևանից մինչև Սյունիք։ Ադրբեջանցիներին արգելանք չկա, եթե նրանք գիշատիչի պես զգում են արյան հոտը, որը հաղթում է, ապա անընդհատ գնալու են առաջ, դա կլինի Սյունիքը, Գեղարքունիքը, թե միջազգային հայտարարություն էական չէ, նրանք անընդհատ անելու են հակահայկական քայլ, սա անվերջանալի է, կանգ չի լինելու, կանգը լինելու է Հայաստանի վերացմամբ»,- ասել է Մելքոնյանը։
Մանրամասները՝ տեսանյութում։