Գյումրիում մոր և անչափահաս որդու մահվան դեպքի առթիվ նյութեր են նախապատրաստվում։ ՔԿ-իցհ արցին ի պատասխան հայտնեցին, որ նշանակվել է դատաբժշկական փորձաքննություն, որի եզրակացությունը ստանալուց հետո միայն կարող են որոշակի մանրամասներ հայտնել։
Հիշեցնենք, որ երեկ՝ հուլիսի 26-ին, ժամը 12։47-ին Ոստիկանությունում ահազանգ է ստացվել, որ Գյումրու Բագրատունյաց օղակ 8-րդ շենքի բնակարաններից մեկի բնակիչները չեն արձագանքում։ Դեպքի վայր է մեկնել օպերատիվ խումբ, բնակարանում հայտնաբերվել է մոր և երեխայի դի։
Նշենք, որ դիերը եղել են ուռած, նեխման նշաններով, ինչից հետեւում է, որ նրանք արդեն մի քանի օր է, ինչ մահացած են եղել։ Տուժածները նշված բնակարանում ապրում էին վարձակալական հիմունքներով, որտեղ տեղափոխվել էին վերջերս։