Որոշում է կայացվել խորհրդարանում բարձրացնել անվտանգության աստիճանը։Այս մասին ԱԺ-ում լրագրողների հետ զրույցում հայտարարեց ԱԺ փոխխոսնակ Ալեն Սիմոնյանը և նշեց, որ սա միակ որոշումը չէ և էլի կլինեն փոփոխություններ՝ միտված ԱԺ շենքն ավելի անվտանգ դարձնելուն։
Լրագրողների հարցին՝ թե վախենո՞ւմ եք լրագրողներից, որ նրանց տեղաշարժը սահմանափակող միջոցառումներ եք ձեռնարկել, Ալեն Սիմոնյանն ասաց.
«Ես նմա՞ն եմ մի մարդու, որը վախենում է լրագրողներից: Պատճառները հիմնականում անվտանգային են, խոսքը կոնկրետ լրագրողների կամ անձանց մասին չէ»,-ասաց Սիմոնյանը և հավելեց, որ գործելու են նոր կանոններ, որոնց նպատակն անվտանգություն է.
«Վերջիվերջո, մենք բազմաթիվ վատ նախադեպեր ենք ունեցել մեր պատմության մեջ:Այդ նախադեպերը շատ են՝ սկսած հոկտեմբերի 27-ից, ի դեպ դրա կազմակերպիչներից և իրագործողներից մեկը լրագրող է եղել, վերջացրած՝ պատերազմով: Վերջերս ականտես եղաք օրինակ գնդակահարության տեսարանի բեմադրության Բաղրամյան պողոտայում, ԱԺ նախագահի դեմ մահափորձ եղավ, այս ամենը հիմա չեք հիշատակում և զարմանում եք, որ անվտանգության կանոնները կարող են խստանալ»,-ասաց Սիմոնյանը: