«Հայաստան» խմբակցությունը բոյկոտում էր ԱԺ հանձնաժողովների, ԱԺ նախագահի ընտրության հարցը և նրանց պահանջով 20 րոպե ընդմիջում հայտարարվեց։ Խմբակցութան պատգամավոր Իշխան Սաղաթելյանը լրագրողների հետ զույցում նշեց, որ սա քաղաքական պայքար է։
«Սա քաղաքական պայքար է։ Շարունակում ենք մեր պայքարը։ Գտնում ենք, որ մեր ընկերները առևանգված են այս իշխանությունների կողմից, պայքարելու ենք մինչև վերջ»։
Հարցին՝ փոխնախագահի պաշտոնում ի՞նքն է առաջադրվելու, Սաղաթելյանը նշեց, որ ԱԺ փոխնախագահի, հանձնաժողովների հարցը մեր երկրի առջև կանգնած խնդիրների հացրում երկրորդական է։ Լրագրողների հետ զրույցում նա հայտարարեց, որ հենց ինքն է լինելու ԱԺ փոխնախագահի թեկնածուն:Սաղաթելյանն ասաց, թե տեղեկություն չունի՝ արդյոք այլ թեկնածու կառաջադրվի, թե ոչ։
«Հայաստան» խմբակցությունը պահանջում է ապահովել կալանավորված պատգամավորների ներկայությունն ԱԺ-ում։ Լրագրողների հարցին՝ բոյկոտելո՞ւ են նիստը, մինչև կալանավորված անձինք ներկայանան, նշեց, որ դա քաղաքական պրոցես է։
«Երբ որ պետք լինի գալու ենք, երբ որ պետք լինի բոյկոտելու ենք, փորձելու ենք մեր օրակարգերը առաջ մղենք»։
Սաղաթելյանը նշեց՝ օրակարգում ոչինչ չի փոխվել, քանի որ երկրի առջև կանգնած մարտահրավերները նույնն են, ստեղծված համակարգային ճգնաժամը հաղթահարված չէ ու պայքարը շարունակվում է։