Եթե զուգահեռներ անցկացնենք մարտի 1-ի և նոյեմբերի 9-ի միջոցառումների մեջ, թե՛ ոստիկանությունը, թե՛ ներքին զորքերը, թե՛ բանակն անհամեմատ այլ վարքագիծ են դրսևորել նոյեմբերի 9-ին, երբ գրավվեցին պետական շենքեր։ ԱԺ-ում այս մասին ասաց «Քաղաքացիական պայմանագիր» խմբակցության պատգամավոր Հայկ Սարգսյանը՝ դիմելով «Հայաստան» խմբակցության ղեկավար Սեյրան Օհանյանին։
Սեյրան Օհանյանը նկատեց՝ եթե Երևանում բոլոր խնդիրներն իրականացրել են, ինչու՞ չեն կարողացել խորհրդարանական վերահսկողություն իրականացնել և այնպես անել, որ մեր սահմանները փակ լինեն։
«Պետք է հասկանանք, որ մեր իրականության մեջ մարդը, մարդկային կյանքը չափազանց կարևոր են, բայց ամենաթանկը մեր հողն է։ Այդ հողի պաշտպանության առումով ՀՀ ղեկավարությունը, ինչպես նաև խորհրդարանը ժամանակին ոչինչ չի ձեռնարկել։ Ոչինչ չի ձեռնարկել նոյեմբերի 9-ի հայտարարությունից հետո մեր սահմաններն ամրապնդելու համար, ոչինչ չեն ձեռնարկել մեր կարևորագույն բարձրունքները գրավելու և բաց չթողնելու համար։ Այս առումով գտնում եմ, որ մեր ուշադրությունը պետք է լինի սահմաններին։ Ավելի շատ սահմաններում պետք է իրականացնենք անվտանգության ապահովում, քան թե այստեղ»,-ասաց Սեյրան Օհանյանը։