Իշխանական պատգամավորներն ասում են՝ մի՛ օգտագործեք կապիտուլյացիա բառը, մեզ էլ հաճելի չէ, բայց դա փաստ է: Այդ հայտարարության մեջ մի կետ էր հայանպաստ, այն էլ չի կատարվել: Մենք հանցագործներին որպես գերի հանձնել ենք, իսկ մեր գերիներին հետ չենք ստացել: Այս մասին ԱԺ-ում ելույթի ժամանակ ասաց «Պատիվ ունեմ» խմբակցության քարտուղար Հայկ Մամիջանյանը:
Արձագանքելով ՔՊ-ական պատգամավոր Վահագն Ալեքսանյանի ուղղված ՀՀԿ-ին մեղադրանքներին՝ Մամիջանյանն ասաց.
«Պարոն Ալեքսանյանի թե՛ արտաքին տեսքը, թե՛ քաղաքական հետագիծը հուշում է, որ ի սկզբունքներից է՝ «որտեղ՝հաց, այնտեղ՝ կաց»:
Նրա ելույթից հետո ԱԺ նախագահ Ալեն Սիմոնյանն հորդորեց պատգամավորների արտաքինի վերաբերյալ դիտարկումներ չանել.
«Եթե քննարկենք, թե ում արտաքինն ի՞նչ է հուշում, շատ վատ տեղ կգնանք: Գործընկերներին արտաքին տեսքի հետ կապված որևէ բան ասելը ճիշտ չէ: Դուք եք որոշում ձեր կոռեկտության չափերը , ձեր ելույթների գնահատականը կտա հանրությունը»,-ասաց Սիմոնյանը: