Ջրային պաշարների, դրանց կառավարման և անվտանգության վերաբերյալ խնդիրներին մենք պարտավոր ենք անդրադառնալ հետպատերազմյա տրամաբանության ներքո: Այս մասին ԱԺ-ում ելույթի ժամանակ ասաց «Պատիվ ունեմ» խմբակցության պատգամավոր Տիգրան Աբրահամյանը.
«Քարվաճառը, որն այժմ գտնվում է Ադրբեջանի վերահսկողությա ներքո, Հայաստանի և Արցախի համար ջրային անվտանգության առումով կարևոր նշանակություն ունի: Սա առնչվում է և՛ Սևանա լճի ավազանի հետ կապված հարցերին և՛ Արցախի ջրային ընդհանուր համակարգի հետ, քանի որ Արցախի՝ մեր վերահսկողության տակ գտնվող տարածքի գետերի ակունքների 98%-ը գտնվում է Քարվաճառում, սա արդեն իսկ խոսում է Հայաստանում և Արցախում ստեղծված ճգնաժամի մասին»,-ասաց Աբրահամյանը:
Նա հիշեցրեց, որ արդեն երկու շաբաթ է՝ Ստեփանակերտի բնակիչների մի մասը զրկված է խմելու ջրից, իսկ մի մասն էլ այն ստանում է խիստ ընդհատումներով.
«Ստեփանակերտ մտնող և եկող հիմնական այն գետերը, որոնք խմելու ջրի նշանակություն ունեն, դրանց ակունքներն ամբողջովին գտնվում են Ադրբեջանի վերահսկողության ներքո:
Երբ մենք խոսում ենք Հայաստանի ջրային անվտանգության մասին, դրան զուգահեռ պետք է դիտարկել Արցախում ստեղծված իրավիճակը»,-ասաց Աբրահամյանը: