Մենք ոչ մի բան չենք ուզում, մեր երեխաների մասին մի նորություն ենք ուզում: Լրագրողների հետ ճեպազրույցում ասաց ԱԱԾ-ի մոտ հավաքված անհետ կորած զինծառայողների ծնողներից մեկը:
«Մինչև այսօր սպասում ենք, բայց ինչքան սպասենք: Մեզ կատեգորիկ ոչ մեկ ոչ մի բան չի ասում, ասում են համբերությամբ զինվեք, սպասեք, մենք աշխատում ենք, բայց 10 ամիս է մենք այդ արդյունքը չենք տեսնում: Որևէ մեկը կարո՞ղ է մեզ ասել, 10 ամիս է իմ երեխան չկա, անհետ կորած է, ո՞ւր է, թող մեկն ասի՝ քո երեխան զոհվել է կամ գերի է, մի բան պետք է ասե՞ն, թե՞ չէ»: